Fundaði í morgunsárið og fór því næst að Bjarnahúsi. Þar átti eftir að saga neðan af pilum í girðingu á meira en 20m kafla. Jafnaði síðan í beðinu með kartöflugaffli og grænu vél kirkjugarðsins. Tók allt rusl og fór með í Terra. Guðbergur tók hellurnar við endann á stéttinni með snjóbræðslurörunum sem voru skorin í sundur og raðaði við grenitréð. Ræddi í klukkutíma við Guðnýju, hvort hún væri ekki sátt.
Færði 6m rörin til Ingólfs, bað hann að panta snjóbræðslurör og tengi. Binni í Bæjarprýði ræddi samstarf þegar ég fékk lánaðan lazerinn. Ræddi við gröfumann að jafna möl undir snjóbræðslu hjá Ingólfi.
Fór síðan heim um 17:30 og náði að loka sökkli undir lagnaskáp. Enn þarf að loka milli platanna sem ég setti við vestara rörið og endagólfbitans á húsinu.
Einangraði kaldavatnsrörið með grárri og sveigjanlegri kápu og benslaði þá 2m sem ég notaði og náðu alveg upp í gólf og niður á milli lagnanna. Einnig á eftir að ganga frá og loga gatinu undir lagnaskápnum og þar undir IPE-bitanum en fyrst þurfti að einangra kaldavatnsrörið þó að ég setji hitaþráð í það. Eftir að loka undir lagnaskápnum og milli rörsins og endabita hússins, þá ætti vindgnauð að minnka undir húsið.